Atministrashon i kolaboradãs
kolaboradó
Margareth Wallée (konsehero)
Margareth a finalisá su estudio den Salubridat na aña 1989 na Hogeschool Rotterdam. Despues di esaki el a traha den komersio pa algun aña. Di 1992 pa 1997 el a traha komo trahadó sosial den área di edukashon i integrashon sosial pa Antianonan, Arubianonan i hendenan di abla spañó bibá na Rotterdam. Margareth a sostené hopi inisiativa kultural den barionan di Rotterdam durante 1999 pa 2006. El a hasi esaki pa medio di su intermediashon komo skout kultural pa buska sosten profeshonal pa nan òf supsidio. Na 2004 el a terminá su estudio di Antropologia Kultural na Univerdisat di Amsterdam i el a kombiná esaki ku su trabou komo skout kultural. Di 2004 pa 2007 el a traha den organisashon di diferente obra teatral den museonan na Rotterdam i tambe el a kondusí investigashonnan den algun aspekto di e bida urbano di siudadanonan di Rotterdam. Na 2007 el a emigrá pa Kòrsou i einan el a traha entre otro na proyektonan di Museo Nashonal di Antropologia i Arkeologia. Margareth ta kombiná su trabounan pa Het Startbureau huntu ku su funshon komo dosente di hospitalidat na Scholengemeenschap Otrabanda, investigadó i tambe dosente di aerobics.
Marieke van der Plas (konsehero)
Na 2000 Marieke a terminá su estudio di Sociale Wetenschappen (afstudeerrichting Jongerenstudies en Jeugdbeleid), na Universidad di Leiden. Durante di 2000 na 2007 e ta trahando komo Projectadviseur na departamentu di Jeugd, Fonds 1818 na Den Haag. Durante di e periodo akí e la traha a base di detachering pa un periodo di shete luna komo Onderzoekmedewerkster na Universidad di Leiden. Na 2002/2003 e la traha seis luna na Trinidad & Tobago i Surnam.
Tambe e la hasi un Postacademische opleideng Filantropie na Vrije Universiteit di Amsterdam i cursonan Projectmanagement.
E ta kombiná su responsabilidatnan di Het Startbureau ku su trabou diario komo konsehero di Inovashon Edukashonal na SenterNovem na Den Haag.
mvanderplas@hetstartbureau.com
Robert Martis (administation)
Ya pa 2 aña kaba Robert ta aktivo den Het Startbureau. Banda di su trabou den atministrashon e ta sigui e Young Professionals Programme tambe . Den kuadro di esaki e tabata e lider di e proyektonan di trabou boluntario di HDM durante 2007 i 2008. Aktualmente e ta hasiendo un kurso pa e bira un coach pa hóbennan.
Marian Benschop (komunikashon)
Marian ta enkargá ku e diseño gráfiko di tur dokumento di Het Startbureau. El a diseñá e logo, karchi di kompania, layout di e kartanan i mas.
Aparte di esaki e ta responsabel pa e diseño i mantenshon di e website.
Nathalie Cannegieter (kolaboradó general)
Nathalie a studia Management Business & Communication na Universidat Nashonal di Antia na Kòrsou. Aktualmente e ta hasiendo su Master den International Business na Universidat di Maastricht na Hulanda. Semper e tabata sosialmente aktivo banda di su estudio, espesialmente den asosashonnan di studiante di su universidat. For di 2007 te ku awor e ta fungi komo Junior Consultant na Het Startbureau.
Direktiva
Peter Meijer (presidente Startbureau Kòrsou)
Peter a traha na diferente kompania di awa despues di su estudio. Na 1998 el a retirá for di e área aki komo inspektor. Den e mesun aña ei el a keda nombra komo ‘wethouder' di e siudat Ermelo. Su portafolio tabata konsistí di trabounan sosial-kultural, servisio públiko, salubridat públiko, empleo, enseñansa,deporte, trabounan den bario i desaroyo. Gobiernu a dune un tarea spesifiko kual ta ensera ku den 2015 tur habitante di Ermelo mester por biba, traha i rekreá sin limitashon. Na 1999 el a bira vise presidente di Inclusief Groep kual ta konsistí di 1000 trahadó. For di aña 2006 Peter ta presidente di e fundashon Antiano ‘Elisabeth'. E meta di e fundashon aki ta pa duna sosten i guia na hendenan ménos prudente tantu na Hulanda komo Antia. Na 2007 Peter a bira vise presidente di e fundashon pa Koperashon den Reino. Aparte di esaki e ta forma parti di Plataforma Antiano di e Asosashon di Estadonan Hulandes (VNG). For di 2004 Peter ta presidente di e fundashon Awa Nobo.
Daniël van Egmond (tesorero Startbureau Kòrsou en Hulanda)
Daniël a traha di 1997 pa 1999 komo mènedjer di benta na Carlson Wagonlit Travel na Den Haag, kual ta un organisashon internashonal pa biahe empresarial. Di 1999 pa 2001 el a traha komo mènedjer na un kompania di kampamentu na Bèlgika. For di aña 2001 e ta traha na ING Bank komo konsehero i mènedjer di relashon ku kompanianan mediano i chikí.
Den su tempu liber e ta masha involukrá ku trabou pa hóbennan i tambe e ta okupá algun funshon den direktiva den asosiashonnan empresarial.
Aktualmente Daniël ta hasiendo un estudio den maneho i organisashon banda di su trabou na ING Bank.
Conchita Martina (sekretaria Startbureau Kòrsou)
Keda pendiente pa deskripshon
Nathaly Mercera (presidente Startbureau Hulanda)
Nathaly a studia spañó i portugues na universidat di Leiden na Hulanda. Debí na su interes enorme pa kultura, el a biba i traha na diferente pais den Oropa, manera Brussel, Paris i Lissabon. For di kuminsamentu di añanan 90 e tabata aktivo den stimulashon di e partisipashon di Antianonan na Hulanda. Den kuadro di esaki el a okupá diferente funshon den direktivanan. For di aña 2003 e ta traha komo konsehero na e ofisina di emansipashon ‘Importante' na Den Haag. Aki e ta responsabel pa e partisipashon sosial di hende muhé. Aparte di esaki Nathaly ta e presidente i presentadó di diferente konferensha ku tin di haber ku partisipashon, integrashon i emansipashon.
Mirjam Vooijs (secretaria Startbureau Hulanda)
Aktualmente Mirjam ta hasiendo un estudio post akadémiko riba tereno di Salubridat i e ta traha na departamentu di neologia na Diaconessenhuis na Leiden, Hulanda. E ta spera di haña su titulo den febrüari 2009. Di 2001 pa 2006 el a traha na e mesun departamentu komo lider di e grupo i den 2003 el a haña su diploma di HBO den Maneho di Kuido. Otro estudionan ku el a finalisá ta entre otro Enfermeria i guia di aktividat. Aparte di esaki e tabata 11 aña aktivo komo boluntario na e sentro pa hóbennan Schuit.